పోలికలు కలుస్తున్నాయ్..

85
588

కప్పుడు, రష్యాలో వాన పడితే – బెజవాడలో గొడుగు పడతారని సామెత. ఆ జమానా పూరా బదల్‌గయా. ఇప్పుడు రష్యా ప్రస్తావన వస్తే తెలుగువాళ్లకి పవన్‌ కల్యాణే గుర్తుకొస్తున్నాడు. అక్కడ కరోనాకి వ్యాక్సిన్‌ కనిపెట్టారనగానే, అత్తగారి దేశం కాబట్టి పవర్‌స్టార్‌కి దాన్ని తెచ్చుకోవటం ఈజీ అని సోషల్‌మీడియాలో జోకులు, కామెంట్లు !

పవన్‌కి రష్యాతో చుట్టరికం మాత్రమే ఉంది, కానీ దేశంలో చాలా మందికి – ఎక్కువగా ఉత్తర భారతీయులకి డిఎన్‌ఏ బంధమే ఉంది. రష్యాతో పాటు, మధ్య ఆ సియా దేశాల నుంచి ఎన్నో వందల తరాల కిందట, వారి ఫోర్‌ ఫోర్‌ ఫోర్‌ ఫోర్‌ ఫోర్‌ ఫాదర్స్‌ వలస వచ్చారన్నమాట. ఈ సంగతిని తాజా జన్యు పరిశోధనలు మరింత గట్టిగా రుజువు చేస్తున్నాయి. ఎక్కడో కాదు,మన హైదరాబాద్‌లోని సీసీఎంబీలో కూడా రీసెర్చి జరిగింది. ఈ సబ్జెక్ట్‌పై ఆ మధ్య పెద్దలు కల్లూరి భాస్కరం గారు ఓ మంచి వ్యాసం రాసినట్టు గుర్తు.వందల వేల సంవత్సరాల పాటు ఆ వలసలేమిటో ..ఇరాన్‌ నుంచి బెలూచిస్తాన్‌ వరకూ ద్రావిడ భాష ఉనికిలో ఉండటం ఏమిటో. సింధునాగరికత వైభవం ఒక్కసారిగా అంతరించిపోవటమేమిటో..మెదక్‌ జిల్లా మర్కుక్‌ నుంచి ఇరాక్‌లోని కిర్కుక్‌ వరకూ ప్రాచీన సమాధులన్నీఒకే రకంగా నిర్మాణమై ఉండటమేమిటో…మొత్తం మీద చరిత్ర ఆ విధంగా ముందుకెళ్లింది. సైన్స్‌ ఈ విధంగా డీకోడ్‌ చేస్తోంది.

సుదీర్ఘ కాలప్రవాహంలో ఎవరు ఎవరితో కలిసిపోయారో తెలియనంతగా మిక్స్‌ అయిపోయిన మాట నిజమే. అయినా చాలా ముఖాల్లో యురేషియన్‌, సెంట్రల్‌ ఏషియన్‌ పోలికలు కొట్టొచ్చినట్టు, తన్నొచ్చినట్టు కనిపిస్తూనే ఉంటాయి. పదేళ్లకిందట కార్గిల్‌లో ఒక రోజు గడిపిన సందర్భంలో … ఆ చిన్నఊళ్లో, ఒకదానికొకటి సంబంధం లేకుండా – ఎన్నిరకాల ముఖాలు కనిపించాయో ! సింధుకి ఒక ఉపనది సురు. అదే పేరుతో అక్కడో లోయ. సీనియర్‌ జర్నలిస్ట్‌ టంకశాల అశోక్‌గారు, ఓసారి అక్కడి ప్రజల గురించి – సురులనగా వీరేనా ? అన్న టైటిల్‌తో ఓవ్యాసం రాశారు. వాళ్లు తమను తాము కల్తీ కాని, అసలు సిసలు ఆర్యులుగా భావించుకుంటారట. అన్నట్టు పోలికల గురించి చెప్పాలంటే రాజ్‌కపూర్‌ను గుర్తుచేసుకోవాల్సిందే. “మేరానామ్‌ జోకర్‌’ సినిమాలో- ఇండియాకి ఓ రష్యన్‌ సర్కస్‌ కంపెనీ వస్తుంది. పొట్టపోసుకోవడానికి అందులో ఎలాగోలా చొరబడతాడు. వాళ్లంతా , అతడి నీలికళ్లనూ, బ్రౌన్‌హెయిర్‌నూ చూసి తమ దేశం వాడేననుకుంటారు. దానికి తగ్గట్టే , అతడు కూడా పేరు అడిగితే ఇవాన్‌ రాజవిస్కీ అని చెబుతాడు. ఆ సినిమాలో అతడి పేరు రాజు. ఇది సినిమా కోసం కల్పించిన సంఘటనే కావొచ్చుగానీ, చాలా మంది రూపురేఖలు – పామీర్‌, హిందూకుష్‌ పీఠభూములకి అవతల జీవిస్తున్న ప్రజలకి దగ్గరగా ఉంటాయనిపిస్తుంది.

ఇక భాషలో కూడా ప్రాచీన బంధుత్వాన్ని పట్టిచ్చే లింగ్విస్టిక్‌ లింక్స్‌ కనిపిస్తాయి. రష్యన్లు అగన్‌ అంటే మనం అగ్ని అంటాం. డోర్‌ను మనం ద్వారమంటే , వాళ్లు ద్వెర్‌ అంటారు. రామ్‌గోపాల్‌ వర్మ తాగే వోడ్కా ఇంతా చేసి ఉదకమే. ఒకప్పుడు ఆఫ్ఘనిస్తాన్‌ వరకూ భారతీయులు, భారతీయకల్చర్‌ ఉండేది. అక్కడి నుంచి రష్యా మరీ అంత దూరమేమీ కాదుగా!

-ఎస్.ఎస్.రావు, సీనియర్ జర్నలిస్టు

85 COMMENTS

  1. Today, considering the fast life-style that everyone leads, credit cards have a big demand throughout the economy. Persons throughout every area are using the credit card and people who aren’t using the credit cards have arranged to apply for 1. Thanks for revealing your ideas about credit cards. https://hemorrhoidsmedi.com hemorrhoids drugs

  2. What i do not realize is if truth be told how you are no longer really a lot more smartly-favored than you may be now.
    You are very intelligent. You know therefore significantly in terms of this matter, produced me individually imagine it from so many varied angles.
    Its like women and men don’t seem to be interested except it’s something to accomplish
    with Lady gaga! Your own stuffs outstanding. Always maintain it
    up!

  3. Have you ever heard of second life (sl for short). It is essentially a video game where you can do anything you want. sl is literally my second life (pun intended lol). If you would like to see more you can see these second life authors and blogs

LEAVE A REPLY

Please enter your comment!
Please enter your name here