మహాభారతంలో మనకు తెలియని కథలెన్నో…!

0
58

తింటే గారెలు తినాలి..వింటే భారతం వినాలంటారు. గారెలు తింటే నాలుకకు రుచి..భారతం వింటే చెవులకు రుచి. అందుకే వేల సంవత్సరాలైనా మహాభారత కథ నిత్య నూతనం. మహాభారతంలో ఎన్నో కథలు..మళ్లా ఆ కథలో కథలు ..ఇలా సాగిపోతుంది మహాభారత కావ్యం. అయితే చాలా మందికి భారతం జనరంజకమైన ఒక ఆసక్తికరమైన కథ మాత్రమే కాదు.. అది ఒక ధర్మ నిర్దేశిత మహా కావ్యం. అయితే భారతం అనగానే ఎంత సేపూ జూదం, ద్రౌపదీ వస్త్రాపహరణం, కురుక్షేత్ర సంగ్రామం..గీతోపదేశం… వీటినే చూపెడతారు అవే చెబుతారు. నిజానికి ఇప్పటి ఈ సమాజానికి కావాల్సిన “నీతికథలు” ఎన్నింటినో మహాభారతంలో దాగి ఉన్నాయి…!

అందులో ఒకటి ఇది…

పాండవ ప్రథముడు ధర్మరాజు దాన ధర్మాలకు పేరు. రాజ్యంలో ప్రజలకు ఎక్కువ ధర్మాలు చేసాడని పేరు. తనకంటే ఎక్కువ దానం చేసిన వాళ్ళు ఇంకెవరూ లేరని ధర్మరాజు అభిప్రాయం. ఇది ఆయనకు అహంకారంగా మారకూడదని కృష్ణుడికి అనిపించింది. అందుకోసం కృష్ణుడు ధర్మరాజుని వేరే రాజ్యానికి తీసుకు వెళ్ళాడు. ఆ రాజ్యం మహాబల చక్రవర్తి పాలనలో ఉండేది. అక్కడ ఒకరి ఇంట్లోకి వెళ్లి నీళ్లు అడిగారు… ఆ ఇంటిలోని ఆమె వారికి బంగారు గ్లాసులో నీళ్లు ఇచ్చింది. వారు తాగేసాక ఆమె ఆ గ్లాస్ ను బయట విసిరేసింది ! ధర్మరాజు ఆమెతో.. ఏంటమ్మా బంగారాన్ని దాచుకోవాలి కానీ ఇలా వీధిలో పడేస్తే ఎలా ?.. అని చెప్పడంతో…ఆమె… మా రాజ్యంలో ఒక్కసారి వాడిన వస్తువును మళ్ళీ వాడము అని బదులు చెప్పి లోనికి వెళ్ళిపోయింది !!! ఆ రాజ్యపు సంపదను గురించి ఆలోచిస్తూ ఆశ్చర్యపోయాడు ధర్మరాజు. ఇక రాజును కలవడానికి ఇద్దరు వెళ్లారు.

మహాబలరాజుతో ధర్మరాజు పరిచయం

రాజా…ఈయన ప్రపంచంలోనే ఎక్కువ ధర్మాలు చేసిన వ్యక్తి. పేరు ధర్మరాజు అని చెప్పాడు కృష్ణుడు. అయినా ఆ రాజు ధర్మరాజు ముఖం కూడా చూడలేదు సరికదా కృష్ణుడితో ఇలా అన్నాడు… కృష్ణా… మీరు చెప్పిన విషయం సరే కానీ నా రాజ్యంలో ప్రజలకు సరిపడా పని ఉన్నది, అందరి దగ్గరా సంపద బాగా ఉన్నది, నా రాజ్యంలో అందరికి కష్టపడి పనిచేయడం ఇష్టం, ఇక్కడ బిక్షం తీసుకోవడానికి ఎవరూ సిద్ధంగా లేరు, అందువల్ల దానధర్మాలకు ఇక్కడ తావులేదు, ఇక్కడ ఎవరికీ దానాలు తీసుకోవాల్సిన అవసరం లేదు… ఈయన రాజ్యంలో బీదవాళ్లు ఎక్కువగా ఉన్నట్టు ఉన్నారు… అందుకే అందరూ దానాలు అడుగుతూ వస్తున్నారేమో…ఈయన రాజ్యంలో అంతమందిని పేదవారిగా ఉంచినందుకు ఈ రాజు మొఖం చూడాలంటే నేను సిగ్గుపడుతున్నాను అన్నారు !!! తన రాజ్యస్థితిని తలచి సిగ్గుపడి తల దించుకున్నాడు ధర్మరాజు !!! సహాయం అనే పేరుతో ప్రజలు అడుక్కుతినేలా మార్చడం… ఉచితం అనే పేరుతో ప్రజలను సోమరులుగా మార్చిన దేశం ఎప్పటికైనా తల దించుకోవాల్సిందే అని చక్కగా వివరించారు !!!
ఈ భారత నీతిని నేటి మన పాలకులు ఎప్పుడు తెలుసుకుంటారో. ఉచితం లభించే దేనికైనా విలువుండదు.. కష్టపడి సంపాదించిన దానికే ఎప్పటికైనా విలువ.. ప్రజలకు పని కల్పించటం పాలకుల ధర్మం.. కష్టించి పని చేయటం ప్రజల ధర్మం.. అప్పుడూ ఏ దేశమైనా సుభిక్షమే..టార్చ్ వేసి చూసినా పేదరికం కనిపించదు. సో.. పాలకులు ..ప్రజలు ఎప్పుడు మారుతారో… కనీసం కొంతమందినైనా మార్చాలన్నదే ఈ పోస్ట్ ఉద్దేశం!!

LEAVE A REPLY

Please enter your comment!
Please enter your name here